ಅಮ್ಮ ನೀನೆಲ್ಲಿ ಹೋದೆ

ಕೈ ತುತ್ತಲಿ ಪ್ರೀತಿಯ ಮುತ್ತ ಬೆರೆಸಿ
ಉಣವ ಬಡಿಸಿ ಹಸಿವ ನೀಗಿಸಿದ
ಅಮ್ಮ, ನೀನಿಂದು ಇಲ್ಲ.

ಹೊರಗಾಡಿ ದಣಿದು ನಿನ್ನ
ಮಡಿಲ ಸೇರೆ, ಮುದವ ನೀಡಿದ
ಅಮ್ಮ , ನೀನಿಂದು ಇಲ್ಲ.

ಬದುಕ ಪೋರಿನಲಿ ಬೆಂಡಾಗಿ ಬಂದಾಗ
ಸಾಂತ್ವನದ ನುಡಿಗಳನುಲಿದ
ಅಮ್ಮ, ನೀನಿಂದು ಇಲ್ಲ.

ನಾನೆಷ್ಟು ಬೆಳೆದರೂ, ಎನ್ನ
ಮಗುವಿನಂತೆ ಲಾಲಿಸುವ,
ಅಮ್ಮ, ನೀನಿಂದು ಇಲ್ಲ.

ನಿನಗಾಗಿ ಅಲೆದಲೆದು ಹುಡುಕಾಡಿ
ಪರದಾಡಿರಲು ನಾ, ಅಮ್ಮ
ನೀನೆಲ್ಲಿ ಹೋದೆ ನೀನೆಲ್ಲಿ ಹೋದೆ

ರವಿ ತಿರುಮಲೈ