ಬದುಕ ನೀಡಿದವನೆ ಕೇಳು

ಬದುಕ ನೀಡಿದವನೆ ಕೇಳು

ನಿನ್ನ ಜಗವಿಂದು ಸಾಕಾಗಿದೆ

ನಾ ಜೀವಂತ ಸತ್ತಾಗಿದೇssssss । ಬದುಕ ।

ಇರುಳು ಸರಿಯುವುದಿಲ್ಲ

ಹಗಲು ಹೋಗುವುದಿಲ್ಲ

ನೀನಿತ್ತ ಗಾಯವದು

ಮಾಗುವುದಿಲ್ಲಾ

ಕಣ್ಣು ಸೊರಗಿದೆಯೀಗ

ಮನವು ಮುದುಡಿದೆ ಈಗ

ದುಃಖದಾ ಮಡುವಾಗಿದೆ

ಮೋಡಿಯೊಂದನು ಮಾಡಿಹೆಯಲ್ಲಾ ।ಬದುಕ ।

ಕಸಿದೆ ನೀ ಎನ್ನ ಸುಖವನನ್ಯಾಯದಿಂದ

ಜೀವಂತವಿಟ್ಟೆನ್ನ ಜೀವನವ ಕಸಿದೇssssss

ಹತ್ಯೆಗೈದಿಹೆ ಹೃದಯ

ಮೌನವೆಂತಿಹುದಯ್ಯ

ಹೇಳುವೆ ಕೇಳಯ್ಯಾ

ಎನ್ನ ಸುಖದಿಂದ ನೀ ಹೆದರಿದೆಯಾ ।ಬದುಕ|