ಮೂಲವ ಸೇರುವ  ಪರದಾಟ 

ಹರಿದಾಡುವಂಥಾ ಮನವನಿತ್ತು 

ಧ್ಯಾನಿಸೆಂದರೆ ಹೇಗೋ ದೇವಾ 

ಬಗೆ ಬಗೆಯ ಚಿತ್ರ ವಿಚಿತ್ರವನಿಟ್ಟು    

ಆಸೆಯ  ಬಿಡೆಂದರೆ ಹೇಗೋ ದೇವಾ 

ಕಾಯವ ಕೊಟ್ಟು ಆಸೆಯನಿಟ್ಟು    

ಮೋಹವ ಬಿಡೆಂದರೆ ಹೇಗೋ ದೇವಾ 

ಎಲ್ಲವಕೊಟ್ಟು,  ಕಣ್ಣನೂ  ಕೊಟ್ಟು 

ನೋಡಬೇಡವೆಂದರೆ ಹೇಗೋ ದೇವಾ 

"ನಾನು" ತನವನಿತ್ತು ನೀ ದೂರ ಕುಳಿತು 

ನಿನ್ನನು ಸೇರೆಂದರೆ ಹೇಗೋ ದೇವಾ 

ಅರಿವನು ಇತ್ತು ಮೂರ್ಖತೆಯನೂ ಕೊಟ್ಟು 

ಮುಕ್ತನಾಗೆಂದರೆ ಹೇಗೋ ದೇವಾ 

ದಾರಿಯಕೊಟ್ಟು  ಮಾರ್ಗವ ತೋರಿ 

ಮುಕ್ತನಾಗಿಸಲು ಬೇಗ ಬಾರೋ ದೇವಾ