ಏಕಾಂತದಾಶಯ

ಮನದೊಳಗೆ ಮನವಾಗಿ 
ಬದುಕೊಳಗೆ ಬದುಕಾಗಿ 
ಇದ್ದರೆ ಒಬ್ಬರು ಜೊತೆಯಾಗಿ 
ಅದೇ ಭಾಗ್ಯವು ಅದೇ ಸ್ವರ್ಗವು

ಪ್ರೇಮವದು ಕಡಿಮೆಯಾಗೆ
ಪ್ರೀತಿಯದು ಕಾಣೆಯಾಗೆ
ಛಿದ್ರಹೃದಯವದು ಪಾಷಾಣವಾಗೆ
ನಿನ್ನವರೆಂದು ಬದಿಯಲೊಬ್ಬರಿರೆ
ಅದೇ ಭಾಗ್ಯವು ಅದೇ ಸ್ವರ್ಗವು

ನೀ ಇರುವಂತೆಯೇ ನಿನ್ನ ಪ್ರೀತಿಸಲು
ನಿನಗಾಗಿ ಎರಡುಹನಿ ಕಣ್ಣೀರ ಹರಿಸಲು
ನಾನಿರುವೆನೆಂದು ತುಂಬಿ ನುಡಿಯಲು
ನಿನ್ನವರೆಂದು ಜೊತೆಯಲೊಬ್ಬರಿರೆ
ಅದೇ ಭಾಗ್ಯವು ಅದೇ ಸ್ವರ್ಗವು

ಆಸೆಯು ತೀರದ ಆವೇಶದೊಳು
ಆಶಯಗಳ ಆವೇದನೆಯೊಳು
ನಿನ್ನೊಡನಿದ್ದು ಏಕಾಂತದೊಳು
ನುಡಿಯಲು ತುಂಬಿದ ಸಾಂತ್ವನದುಲಿಗಳು
ಅದೇ ಭಾಗ್ಯವು ಅದೇ ಸ್ವರ್ಗವು

ವಾಚಕರೆ, ಈಗ್ಗೆ ನಲವತ್ತೈದು ವರ್ಷಗಳ ಹಿಂದೆ ಬಂದ ಒಂದು ತೆಲುಗು ಸಿನಿಮಾ ಹಾಡಿನ ಭಾವಾನುವಾದವಿದು.

ರವಿ ತಿರುಮಲೈ