ನದಿ

ಭಾನು ಪ್ರಕಾಶನ ಶಾಖಕ್ಕೆ ಆವಿಯಾಗಿ 

ಮೂಲ ತೊರೆದು ದಿವಿಗೇರಿ

ಹಾರುತ್ತಾ ತನ್ನಂತವರ ಸೇರಿ

ಸೇರಿ ಸೇರಿ ಸತ್ವಯುತವಾಗಿ

ಮೋಡವೆಂದೆನಿಸಿಕೊ೦ಡು

ಧುಮುಕಿ ಧರೆಗಿಳಿದು

ಹನಿ ಎಂದೆನಿಸಿಕೊಂಡು

ಸೇರಿ ಸೇರಿ ತನ್ನಂತವರ

ಸ್ತ್ರೀ ರೂಪದಲಿ ಮಾತೆಯಂತೆ

ಹರಿವಾಗ ಸುಂದರ ಗೀತೆಯಂತೆ

ಜಾತಿ ಮತಗಳ ಭೇದ ಮಾಡದಂತೆ

ಸಮನ್ವಯದ ಭಾವ ತೋರುವಂತೆ

ಹಳ್ಳವಾಗಿ ತೊರೆಯಾಗಿ

ಹರಿ ಹರಿದು ನದಿಯಾಗಿ

ಕವಲೊಡೆದು ಧರೆ ತಣಿಸಿ

ಧರೆಯಲ್ಲರಿಗೆ ಉಣ ಉಣಿಸಿ

ಸಫಲತೆಯ ಭಾವದಿ ಧನ್ಯತೆಯ ಪಡೆದು

ಓಡಿ ಓಡಿ ಗಮ್ಯವ ಹುಡುಕಿ ನಡೆ ನಡೆದು

ಜ್ಞಾನ ಪಡೆದ ಭುವಿಯ ಆತ್ಮಗಳಂತೆ

ಮೂಲ ಸೇರುವಾತುರದಲಿ ಓಡುವಂತೆ

ರತ್ನಾಕರನ ಗರ್ಭಸೇರಿ

ಅಸ್ತಿತ್ವವಿಲ್ಲದೆ, ವಿಲೀನವಾಗುವೆ

ಮತ್ತದೇ ಚಕ್ರಕ್ಕೆ ಕಾರಣನಾದ

ಭಾನು ಪ್ರಕಾಶನ ಶಾಖಕ್ಕಾಗಿ ಕಾಯುವೆ.

ಇದಕ್ಕೆ ಶ್ರೀ Nataraj kangod ಅವರು ಪ್ರೇರಣೆ.

ರವಿ ತಿರುಮಲೈ