Saturday 22 June 2013

ಅಂತರಂಗದ ಗಾವಿಲರು




ಗಿರಿ ಶಿಖರ ಸುತ್ತಿಹರು 
ಮರಗಿಡವ ಮುತ್ತಿಹರು 
ಅಂತರಂಗದಿ ದೈವವ
ಕಾಣದಾ ಗಾವಿಲರು 

ಹೆಸರು ಸಾವಿರಾರು 
ರೂಪ ನೂರ ಕೊಟ್ಟಿಹರು 
ಇಲ್ಲದಾ ಆಕಾರ ಕಾಣ್ಬ 
ಹಂಬಲದ ಹುಚ್ಚರಿವರು 

ಹಲವು ಆಚಾರಗಳ 
ಬಲವಂತರಿವರು 
ಕೆಲವು ನಂಬಿಕೆಗಳ 
ಗುಣವಂತರಿವರು 

ವರ್ಣನೆಗೆ ಪರಿ ಪರಿಯ 
ಪುರಾಣಗಳ ಕಟ್ಟಿಹರು 
ವರ್ಣನಾತೀತನನು 
ಅಮಿತ ವರ್ಣಿಸಿಹರು

ನಂಬಿಕೆಗೆ ತಲೆತೋಕೆಗಳಿಲ್ಲ
ಹುಂಬತನಕೆ ಕೊನೆಮೊದಲಿಲ್ಲ 
ತಮ್ಮ ಕೂಪವ ತಾವೇ ತೋಡಿ
ಸುಮ್ಮನಿಹ ದೈವವನು 
ಹಳಿದು ದೂರುತಿಹರು 

ಅಂತರಂಗದಿ ದೈವವ
ಕಾಣದಾ ಗಾವಿಲರು 

ರವಿ ತಿರುಮಲೈ 

1 comment:

  1. ಹಾಲು ಕರೆಯಲು ಬರದಿದ್ದರೆ ಕೆಚ್ಚಲನ್ನು ದೂರುವುದಾಗಬಾರದು, ಅಥವಾ ಹಸುವಿಗೆ ಹೊಡೆಯುವುದಾಗಬಾರದು ನಮ್ಮ ದೃಷ್ಟಿಕೋನ. 'ಕಾಲು ಮಡಚಿ ಕೂತು' ಹಾಲು ಕರೆಯುವುದನ್ನು ಕಲಿಯಬೇಕಾದವನು ನಾನು. ಮೊತ್ತಮೊದಲು 'ನಾನು' ಸರಿಯಾಗದ ಹೊರತು 'ಸಮಾಜ' ಸರಿಯಾಗುವುದಿಲ್ಲ. ನನ್ನ ಹೆಡ್ಡತನಕ್ಕೆ ಅನ್ಯರನು ದೂರಿ ಫಲವೇನು? ಹಾಲು ಬಂದೀತೇ ಕೆಚ್ಚಲಿಂದ ಉಕ್ಕಿ?

    ನಾಲ್ಕೈದು ಸಲ ಓದಬೇಕಾಯ್ತು ನಾನು ಹೆಡ್ಡನಾದುದರಿಂದ. ಮತ್ತೊಂದೆರಡು ಸಲ ಓದುವೆ ಈ ರಚನೆಯನ್ನು ಅಂತರಂಗಕ್ಕೆ ಹೊಕ್ಕಬಹುದೇನೋ ನೋಡೋಣ.

    ReplyDelete