Monday 7 October 2013

ಸ್ವಪ್ನ ಸುಂದರಿ

ಕಳೆದು ಹೋದ 'ಯೌವನ'ದ 
ದಿನಗಳ ನೆನಪೆನಗೆ. 
ಸಖೀ !! ಕನಸಿನಲಿ ನಿನ್ನೊಡನೆ 
ನಲಿನಲಿಯುತ್ತಾ ಕಳೆದ 
ದಿನಗಳ ನೆನಪು ಕಾಡುತ್ತದೆ 
ಎಚ್ಚರದ ನಂತರವೂ 
ನನಸಿನಲಿ ಉಳಿಯುತ್ತದೆ.  

ನೀ ಯಾರೋ ನಾನರಿಯೆ. 
ಪರಿ ಪರಿ ಪ್ರೀತಿಯ ಧಾರೆ 
ನೀ ಸುರಿದಾಗ ಕೈ ಬೊಗಸೆ 
ಉಕ್ಕಿ ಹರಿದು ಚೆಲ್ಲುವ 
ನಿನ್ನೊಲವ ಹಿಡಿಟ್ಟುಕೊಳ್ಳಲು
ನಾ ಪಡುವ ಪಾಡು ಮಂಪರು 
ಹರಿದ ಮೇಲೂ ಉಳಿಯುತ್ತದೆ  

ಪ್ರಾಯ ಸಂದಿರುವ ಕೈ ಕಾಲು 
ಕೀಲುಗಳ ಮಧುರವಾದ ನೋವು 
ಓಡುವ ಮನಸಿನೊಂದಿಗೆ 
ಪೋಟಿಮಾಡಲಾಗದೆ ನಿಂತಲ್ಲೇ 
ನಡೆದಂತ ಅನುಭವ. ವಾಸ್ತವದಿ 
ನೀ ದೂರ ನಿಂತು, ಸಖೀ 
ಕೇವಲ ನನ್ನ ಕನಸಲ್ಲೋ 
ಮನದಲ್ಲೋ ನಲಿದು ಕುಣಿದಾಡು 
ನನ್ನ ಭಾವನಾ ಲೋಕದಿ ಸುಳಿದಾಡು.  


ರವಿ ತಿರುಮಲೈ 
 

1 comment:

  1. ಚಿರ ಯಯಾತಿತ್ವ ಸಂಪ್ರಾಪ್ತಿಯಾಗಲಿ ಸದಾ...

    ReplyDelete